| |
| Eghes y rüsc |
| |
 Tal
raiun dl comun de Badia s' abina sö cotan de eghes sot
i crëp ite; ares se lascia odëi plö ales basses,
olache de gran pert de ciampoprè é tres in movimënt;
cis la rô da La Crusc y chëra de Jusciara à
plö ots gaujè danns. Dal 1821 â la rô
da Costalta ingraé ite i sis fabricac dla localité
La Müda. Chësc ê le post olache an müda
jö i ciavai. Daite dal paisc San Ciascian sprinzel fora
dal crëp Ciampestrin le rü Giaric o Gadera; de pici
rüsc é ince rü Blanch, rü de Majarëis,
Rü Prom y Rü dla Parüa, rü Sciarè,
rü de Pudres, rü del Col di Furns, rü Störes,
rü de Pecol, rü Fraz y rü de Burjadac. A Altin
rüva chëstes eghes dütes adöm cun le rü
da Corvara. Deboriada forma chëstes eghes le rü dla
valada tlamè la Granega. Damproia rüvel laprò
le rü de Costalta, rü Ciajó, rü da Pezes,
rü de Josciara, de Corcela, de Zija, da Sompunt, da Larjëi.
L' ega de Pantan Sarè sura Pedraces é gnüda
adorada dal 1850 al 1950 por fà bagns da solper cuntra
le ramatisc. Lec tl comun de Badia él chël da Furcia
o Valparola, de Lagació, de Pecol, lech Lalunch, lech
da Sompunt, de Valacia, lech dla Lè. |
|
|
