Jan Batista Runcher (1714-1791) de Runch é "maestro di cappella" tla catedrala dl dom y organist tla dlijia de Santa Maria Maggiore a Trënt; al à componü deplö mësses a cater usc cun orchestra y orghi, cantates, oratori.

Jan Batista Rinna (1764-1846) da Suracianins é stè governadù de Gorize y sciöche rapresentant de Viena comisser de Isria, Dalmazia y Albania. Por sü meric él gnü tut sö pro i nobli y à ciafè le titul

"Ciasa nadé de J.B. Runcher".

Siur Micurà de Rü (1789-1847) à metü in scrit la gramatica "Versuch einer deutsch-ladinischen Sprachlehre" 1833. Al à porvè da mëte adöm n idiom ladin unifiché.

Siur Mati Declara (1814-1884) da Costadedoi à metü jö por ladin la storia de Sta. Genofefa (prüm liber ladin dl 1879) y chëra de Sta. Norburga. Implö àl scrit la storia dla valada <Valgünes recordanzes ladines>, in pert publicada dl 1987. Siur Domëne Irsara (1803-1879) de Jusciara é stè propst dl convënt Neustift.

Siur Ujöp Freinademez (1852-1908) da Oies é stè miscionar tla Cina y é dal 1975 gnü detlarè beat. Ince miscionar tla Cina é stè le vësco Nazio Canazei (1883-1946) de Runch, siur P. Hilarion Valentin (1853-1936) de Corcela é stè prefet apostolich de Betiah y dl Nepal.