|
|
 |
retrat
de comun > economia |
|
|
| |
| Economia |
| |
 Tl
Comun de Badia cun sü 3150 abitanc él ca.
1800 pursones che à en mistîr.
Dai agn 60 incà à le turism determiné
le trù dl' economia te na manîra dezisiva.
Purchël é incö l'economia dl Comun de Badia
dominada de gran lungia dal setur di survisc. Por rajun
dl florì economich metü man dan da 40 agn à
oramai 2/3 dla popolaziun ciafè laûr sön chësc
ciamp.
Le setur dl'industria, che é dandadüt rapresentè
dal ram dl frabriché y dal artejanat, é
dassënn lié al turism y é te na posiziun
de gran dependënza da chësc. Le 21% dla popolaziun
ativa laora te chësc setur, za. mec de chîsc tl ciamp
dl frabiché.
Ma plö le 10% dla popolaziun laora tl setur dl'agricoltöra,
che ê naota le ciamp de laûr tradizional tla Val
Badia. |
| |
Tl setur di survisc él 508 unitês
de laur. Le 68,7% dla popolaziun laora te chësc ciamp y
plö avisa le 38% tla hoteleria y le 18% tl comerz. Al esist
indüt 68 unitês de laur tl comerz y 346 tla hoteleria,
de chëstes é 138 strutöres alberghieres. Te
düt le Comun ciafun na capazité de prësc 8.000
lec pur furesti, chël uress dì che sön vigni
abitant tomel 2,6 lec. Tl ann 2001 él gnü registré
daimprò da 127.000 presënzes de turisc y na totalité
de 812.000 pernotamënc. La maiù pêrt di turisc
vëgn d'invêr (60%) y za. 1/3 vëgn da fora dla
Talia. Tl Comun él 22 furnadoies, che à na capazité
de trasport (=portada oraria pur deslivel) de uramai 5,7 miliuns
de unitês.
Tla agricoltöra él 300 eserzizi che laora
n areal de 7456 ha. Pur 2/3 di paurz é chësc laur
na entrada secundara, deache tröc d' ai à n ater
laur, d'invêr dandadüt prò i lifc y d'isté
prò l'frabiché. Les arees vëgn sfrutades
de dorada sciöche pre.
Le 17,8% dla popolaziun ativa é pendolars, chël
ó dì che chîsc mëss jì vigni
dé a laorè fora de sò Comun, deperpo che
le 12,4% de chi che laora tl Comun de Badia é pendolars
da foradecà, chël ó dì che ai n'à
nia süa residënza tl Comun de Badia, ulache ai laora. |
| |
| Fontanes: ASTAT Gemeindedatensammlung,
1998 - ASTAT Die Ladiner in Südtirol 1975-1998 - Aziënda
dl Turism Alta Badia |
|
|
| |
|
|
| |
|
|
|
