produc / ofertes / sorvisc

La ciasa dles uniuns de Badia é gnüda inaugurada l'ann 1989 y é gnüda denominada do le componist y orghelist dl post, JAN BATISTA RUNCHER.
Jan Batista Runcher è nasciü a Badia/San Linert l'ann 1714. Do sü stüdi àl laurè a Aunejia y Trënt, olache al é mort l'ann 1791. Süa opera é da tlassifiché tl tëmp pretlassich; ara tol ite baroch conzertant cun influs dla tradiziun corala aunejiana y dl'ert taliana dl'aria dl stil galant. (Istitut Cultural Micurà de Rü / 1992 – Helga Dorsch).
L'ann 1991 à l'Istitut Cultural Micurà de Rü (San Martin de Tor) dè fora na cerna de sües operes sön na CD y na vëta.
La ciasa é dër importanta por ativitês soziales dla comunité dl paîsc y tröpes uniuns pò pratiché adailò süa ativité. Chëstes assoziaziuns à süa sënta te chësta ciasa:

• uniun bal popolar
• cor de dlijia
• cor di ëi
• uniun di stödafüch volontars
• SKJ (jonëza catolica de Südtirol)
• cor dles ëles Kerygma
• Kyrios
• musiga
• uniun teater
• uniun pëiapësc dl Comun de Badia

Surastanta dla ciasa dles uniuns “Jan Batista Runcher” é l’assessuria Dapoz Valentini Edit.
Por informaziuns revardantes l’ anuzamënt dla ciasa bastl telefonè a Pitscheider Lucia
Dötes les domandes por podëi adorè i salamënc tla ciasa Runcher po gni menades via fax o indirizades al Comun de Badia – a mans de Pitscheider Lucia.

Formulars y informaziuns:

Domanda por l'Anuzamënt dla "Ciasa Jan Batista Runcher"

Prîsc aladô dla delibera dla junta de comun nr. 155 di 07.08.2017