Proiet comun sann cun la fondaziun "Vital"

Logo_proiet_vital.JPG La „Fondaziun Vital“, metüda sö dl 2005 y aprovada l’ann do cun decret dl presidënt dla Junta provinziala, mët a jì proieç y ativitês por cherié por la jënt de Südtirol poscibilitês da fà na vita plü sana. Por arjunje chësc travert prô la fondaziun de cherié na rëi danter istituziuns, uniuns, dites y organisaziuns de vigni sort, che dess daidé para, por che les porsones adotëies n püch al iade n stil de vita plü sann. De chësc vers él inãe i comuns che po dè so contribut. La mainira por avëi la sanité é da ciafè olache les porsones vir dé por dé: vigni dé toleres dezijiuns por o cuntra süa sanité. Gonot ne va i debojëgns dla vita privata, dl laûr o dl tëmp lëde nia a öna cun i debojëgns dla sanité. Le compit dl Comun por daidé da ciafè n stil de vita plü sann é chël de abiné adöm porsones de vigni setur y livel sozial, cun carateristiches biografiches desvalies, por definì deboriada i de- bojëgns dla jënt, na basa sön chëra ch’al dess gnì laurè. Le proiet „Comun sann“ dess gnì realisé te deplü fases, mo de- nant mëssel gnì fat n valgügn vari fondamentai: 

  • le Consëi de Comun aprovëia a maioranza la realisaziun dl proiet;
  • al vëgn chirì fora na porsona de referimënt; tl bilanz de Comun vëgnel cherié n capitul de spëisa „Comun sann“;
  • la pröma fasa dl proiet vëgn realisada tl tëmp de 5 agn;
  • al vëgn cherié n grup de laûr sozio-sanitar che inviëia ia y porta inant le proiet;
  • al vëgn nominé n coordinadù o na coordinadëssa;
  • al vëgn valuté la situaziun y definì i debojëgns dl Comun, che dess gnì ilustrà en ocajiun de na incuntada cun la popolaziun;
  • al pò gnì damanè te vigni momënt la colaboraziun dla „Fondaziun Vital“; 
  •  i mëmbri dl grup de laûr s’incunta cun i grups de laûr de d’atri „comuns sagns“, por baié dles esperiënzes che é gnüdes fates y por se formè inant;
  • al vëgn documentè man man le svilup dl proiet, planifiché y valuté i resultaç;
  • vigni ann ti vëgnel presentè al Consëi de Comun na relaziun de sciöche le proiet va inant. 
     

Do le pröm ann, da canche le Comun à aprovè l’adejiun ala „Fon- daziun Vital“ y à insciö metü man de se porvè, por mioré la cualité de vita y le bëgnester de sü zitadins, ti surandëia la „Fondaziun“ le sigil de cualité „Comun sann“. 


I fins concreç dl proiet „Comun sann“

  • sensibilisé la jënt por tematiches che à da nen fà cun la sanité;
  • evidenzié elemënc che po ester d’ütl por la sanité;
  • aumentè le savëi de vigni porsona por ci che reverda chestiuns che à da nen fà cun la sanité;
  • daidé les porsones da capì che la sanité dess ester n critêr pro vigni dezijiun che vëgn tuta;
  • motivé la popolaziun a se dè jö deplü cun la tematica „sanité“;
  • cherié na rëi de colaboraziun cun chi che pîta ativitês che va a bëgn dla sanité.


 Deplü informaziuns sura la „Fondaziun Vital“ ciafun te internet sot a www.stiftungvital.it

Assessuria competënta: Edith Dapoz Valentini

LAD