Badia à dui santuars dër conesciüs. Sösot Sas él la bela dlijia da La Crusc, consacrada dal 1484 al Signur che porta la crusc. La gran pert dles cüres dla valada va altamo naota al ann sö La Cursc in prozesciun por sanć y tröpa jënt va privat sö La Crusc a perié. La cüra de Badia va sis otes al isté sö La Crusc in prozesciun. Da d'altonn ćina de jügn è la statua da La Crusc metüda fora tla dlijia de Badia. N santuar bindebò nü é chël da Oies, paîsc nadè dl Sant Ujöp Freinademez. Dan püć agn é gnü fat sö Oies na dlijia.

Da dlunch adarlerch vëgnel jënt por sanć sö Oies por dì dilan di aiüć che le sant i à bele dè o por perié decà fortüna y benedisciun por la vita da vigni dé.