Le Comun de Badia á nominé la comisciun por la prevenziun dles lovines por le tëmp 2025-2030. La sentada é gnüda tignida te salf de comun y é gnüda daurida dal ombolt do che al á verifiché le numer legal di presënc. La comisciun é metüda adöm da nü mëmbri, rapresentanc dl Comun, di Stödafüch, dl Corp Forestal, dl Aiüt Alpin, dl Sorvisc Strades, dl'Assoziaziun Turistica, dles sozietés di implanc y dles guides alpines. Chësta nominaziun respogn al bojëgn da monitoré les trasses dles strades y les pistes dai schi che röia te raiuns a risch de lovines, en particolar le toch danter San Ciascian y le Ju de Valparola.
