Sön la basa dl regolamënt comunal por la conzesciun de alisiraziuns dles tarifes por i sorvisc comunai aladô dla DUDP (Detlaraziun unificada dl davagn y patrimone), pól gní damané na reduziun dl 50% sön la tarifa por le sorvisc de mensa dla scora y le prisc da paié por jí a scolina.
L’alisiraziun dla tarifa vëgn conzedüda sön la basa dl valur dla situaziun economica dl unité familiara de basa dl anuzadú dl sorvisc revardënt (ma por scores y scolines dl Comun de Badia).
Incina al valur dla situaziun economica 2 vëgn la tarifa che é da paié arbassada dl 50%; a pié ia da chësc valur mëss gní la tarifa paiada de plëgn.
Termin por dé jö la domanda te Comun é le 30.10.2026 (anter les 12.30).
Ala domanda mëssel gní injunté la DUDP por l’ann 2025 y l’Atestat dl Valur dla situaziun economica.
La DUDP y le revardënt atestat VSE é debann. La detlaraziun pó gní presentada pro patronac o zëntri d’assistënza fiscala (Caaf) convenzioná.
Ci é pa la DUDP?
Deplü informaziuns ciafëise chiló
Formulars
Domanda de reduziun tarifa scolina 2026-2027
Domanda de reduziun tarifa sorvisc de mensa 2026-2027
