Presidënt dla sënta da lité - domanda d'iscriziun al register

A düc chi che é scric ite tles listes litales de chësc comun, che á almanco n titul de stüde de scora alta y che en gaujiun de lites ó avëi la poscibilité de ester nominá sciöche presidënt dla sënta da lité.

Persones che ne pó NIA ester scrites ite tl register dles porsones adatades ala funziun de presidënt dla sënta da lité:

• Persones che á arjunt le setantacinchejim ann d’eté
• Dependënc di ministers dl intern, dla posta y telecomunicaziun y di trasporc 
• Persones che fej pert dles forzes armades en sorvisc
• Doturs en sorvisc public
• Secreters de Comun y dependënc de comun inciariá pro l’ofize lital dl comun 
• Dependënc dles dites che fej sorvisc de trasport publich regional o local
• Candidac ales lites, por chëres che ál vëgn lité

Le sorvisc dá la poscibilité da se scrí ite tl register dles porsones adatades ala funziun de presidënt dla sënta da lité.

Án mëss compilé na domanda, sotscrita cun firma digitala o firma a man y menada ala e-mail dl Comun. Sce la domanda vëgn firmada a man, spo él debojëgn da mené adöm ala domanda ince na copia de n documënt de reconoscimënt. 

Le modul de domanda y la manjiun e-mail é da ciafé sön chësta plata. 

• Le modul de domanda compilé 
• La firma digitala o na copia de n documënt de reconoscimënt

L’iscriziun tl register dles porsones adatades ala funziun de presidënt dla sënta da lité y la poscibilité de ester nominé en ocajiun de lites sciöche presidënt dla sënta da lité.

Debann