“Conësceste to numer de cialzá? Y tüa pedia de CO2 pa?”

La pedia de CO2 (chël ó dí les emisciuns de CO2, dl gas relevant por le clima) vëgn calcolada por mosoré la faziun dles ativités dla porsona söl ambiënt y en particolar sön le clima. La pedia mostra la cuantité totala de gas che vignun de nos mëna fora sciöche resultat dles ativités desvalies y dl consum da vigni de. Tla calcolaziun él laite le consum y l’alimentaziun, la mobilité y i spostamënc, l’abitaziun y l’energia, le refodam y le consum de ressurses. 

En ocajiun de n evënt online, ai 06 de ma dales 20:00, podëise descurí deplü y calcolé diretamënter Osta pedia de CO2 adoran n stromënt online dër scëmpl. Al gnará dé consëis y an podará ince fá domandes y baié di resultac.

Link por la conesciun a ZOOM: https://us02web.zoom.us/j/89441915898 

17/04/2024