Sorvisc ai zitadins
Sön le portal vëgnel ince por i zitadins motü a desposiziun deplü sorvisc, jenn éte tal portal ANPR (https://www.anagrafenazionale.interno.it/servizi-al-cittadino/) con l’identité digitala (SPID, cherta d’identité digitala o cherta nazionala dai sorvisc).
profil personal („Profilo utente“)
Por dé dant la misciun olách’an ô ciafé i zertificac damanês y les notificaziuns automatiches.
Vijiuns y autozertificaziuns („Visura e autocertificazioni“)
Por consulté i dac anagrafics y chi dla familia, pa chëra ch’an alda. Al è ince la poscibilité da damané dô y stampé fora autozertificaziuns.
Zertificac („Certificati“)
A pié ía dai 15.11.2021 pó le zitadin desciarié online deplü sorts de zertificac dal sorvisc ANPR revardont.
I zertificac é desponibli por sé enstësc o por en mëmber dla familia anagrafica y chisc é debann.
Retificaziun de dac („Rettifica dati“)
Por orcé éte na domanda de retificaziun dai dac anagrafics en cajo de fai tles enformaziuns dades dant tla scheda anagrafica, a gauja de fai materiai o trascriziuns falzes respet a ci co é dé dant tai documonc revardonc en posses dal zitadin.
Informaziun generala
Le proiet “Anagrafa nazionala dla popolaziun residënta” (ANPR) á motü man dal 2013. Le travert ea chël da cherié na anagrafa nazionala y dé ensciö la poscibilité ai zitadins da adoré sorvisc desvalís (p.ej. zertificac), nia mat tal comun de residënza, mo te vigne comun talian.
Laprò dess cösta banca dac ince sciomplifiché le barat de enformaziuns danter ofizi publics.
